網紅的藏寶箱最近好友新屋入伙，又係揀入伙禮物嘅時候，其實我自己本身都好鍾意睇家品飾物，有特色嘅家品只需要小小一件，就可以為屋企注入溫暖嘅感覺，住都住得開心啲。
揀家品，令我諗起最近認識嘅新品牌 #咫心家匠，全手製嘅文青風格，第一眼見到就令人覺得好舒服，海洋系列清新可愛，感覺獨特，不過更令我欣賞嘅係呢啲咁靚嘅家品小物，全部都係出自 香港耀能協會 SAHK 轄下庇護工場及職業復康服務中心學員嘅雙手，如果我唔講，相信大家都猜不到吧！
原來佢哋好多都有唔同嘅天賦與才能，從陶瓷、紗織、 車縫、繪畫到皮革都有涉獵，雖然身體上有唔同程度嘅限制，不過佢哋都好努力地去展現才能。好開心耀能為佢哋建立咗呢個家品品牌 咫心家匠 mµse casa ，有個小舞台令學員們可以喺大眾面前發光發亮🥰
咫心家匠會以小家品為產品發展主線，希望透過一件一件小物，可以散佈到大家家中嘅每個角落，為家庭帶來溫暖。今次我揀嘅係小餐具系列，海洋嘅主題真係令人心曠神怡，帶來好舒暢嘅感覺，就好似小鯨魚自由自在係溫暖嘅海水中嬉戲。
拎起呢啲小家品，就可以感受到學員嘅心思心機，由創作意念到製作嘅每個工序，相信佢哋比一般人花咗更大嘅努力。我知道嚟緊佢哋會有更多新產品，包括剛剛推出嘅黃昏系列，希望大家可以一齊 Like 👍🏻 咫心家匠Facebook 同 IG，支持佢哋 💪🏻💪🏻 緊貼咫心家匠嘅消息。咫心家匠產品質素非常好，價錢亦都好貼地，大家有需要購買家品，記得去揀吓啦～
FB : 咫心家匠 mµse casa
IG：www.instagram.com/musecasahk
#咫心家匠 #musecasa #香港耀能協會 #SAHK1963 #家品 #學員創作 #海洋
Search